Change of Engagement

by Dyes

pano mo nga ba masasabi na ang isang tao ay successful?

si rose (di tunay na pangalan) ay nagulat nang makita nya na ang kanyang sahod mula sa bagong trabaho ay kalahati lamang ng sinasahod nya sa hotel na kanyang pinagta-trabahuhan dati. Almost 30K ata ang take-home pay sa hotel.

si ellen (di tunay na pangalan) naman ay nagdidildil sa isang maliit na law firm na mababa ring magpasahod. ilang beses na syang pinangakuan na magtataas ang profit-sharing, pero ang pangakong iyon ay sadya nga yatang pinapako. kahit anong sabihin ng mga kaibigan na umalis na sa trabaho, hindi pa rin iniinda ni ellen sapagkat ang experience na mararanasan nya raw sa firm na ito ay hindi matatawaran.

si sheryl (di tunay na pangalan) ay di nagtapos sa mga pretigious schools tulad ng up, la salle at ateneo. pero sa edad na late twenties, kumikita sya ng halos P50K/month bukod sa mga benefits na kanyang natatanggap. sya ay matatawag mong credit-grabber, pero dahil sa napaka friendly nya pag kaharap mo, hindi mo maiisip na magalit sa kanya dahil wala namang matibay na ebidensya na sya nga ay masama, bukod pa sa dami ng mga taong makakaaway mo dahil sya ay kaibigan nya. at malay ba natin kung naunahan ka na nyang siraan sa mga ibang tao.

so, ano nga ba ang measurement ng success?
sa laki ba ng tseke na natatanggap mo kada buwan?
sa pagsasakatuparan ng pangarap mong maging isang professional kahit na maliit ang sahod at naghihirap na mamasahe?
o sa malugod na pagtanggap ng sariling pagkatao at pagiging masaya sa sarili?